Rubaro Unke Harf-E-Gila Kya Karte
Dard To Humko Chupana Tha Sada Kya Karte
Bewafai Bhi Wafa Ki Tarah Ki Usne
Aise Insan Se Karte To Gila Kya Karte
<<–<<–<<♥>>–>>–>>
Juda Honay Ka Andesha Juda Hony Se Pehle Tha,
Wo Mujh Se Intehai Khush Khafa Hone Se Pehle Tha,
Main Kese Soch Sakta Tha Mujhy Wo Chor Jayega,
Bohat Hi Ba’wafa Wo Bewafa Hone Se Pehle Tha.
<<–<<–<<♥>>–>>–>>
Aag Dil Me Lagi Jab Wo Khafa Hue
Mehsoos Hua Tab, Jab Wo Juda Hue
Karke Wafa Kuchh De Na Sake Wo
Per Bahut Kuchh De Gaye Jb Wo Bewafa Hue.
<<–<<–<<♥>>–>>–>>
Mana Ke Majburi Thi, Fasla Bahut Tha
Bahut Doori Thi,
Kabhi Sochta Hun Bewafa Hain Wo,
Kabhi Sochta Hun Meri Lakeeren Hi
Adhoori Thi…
<<–<<–<<♥>>–>>–>>
Maangi Hai Dua Isi Ilteja K Saath
Kat Jaye Meri Umr Usi Bewafa K Sath
<<–<<–<<♥>>–>>–>>
Teri Bewafai Ka Kissa Jab Jab Yaad Aayega,
Mere Tan Badan Mein Ek Aag Si Bharkayega,
Jo Tune Kiya Koi Dushman Bhi Nahi Aisa Karta,
Dekh Lena Ek Din Tu Bhi Bohat Pachtaayega.
<<–<<–<<♥>>–>>–>>
Teri Bewafai Ko Bhula Na Sakenge
Chahe Bhi To Kabhi Muskurana Sakenge
Tujko To Mil Gaya Yaar Apna
Apna Kisi Ko Hum Bana Na Sakenge
<<–<<–<<♥>>–>>–>>
Muddat Se Jis K Wastey Dil Beqarar Tha
Wo Lout Kar Na Aaya Magar Intezar Tha
Jo Humsafar Tha Chor Gaya Raah Me Mujhe
Main Phas Gaya Bhanwar Me Or Wo Darya K Paar Tha…
Manzil Qareeb Aayi To Tum Door Ho Gaye
Itna To Tum Batao K Ye Kaisa Pyar Tha…
Ye Baat Umer Bhar Samajh Na Paya Main
Q Dil Mera Us Bewafa Ka Talabgaar Tha.
<<–<<–<<♥>>–>>–>>
Kabhi Humko Rab Ki Khudai Ne Mara,
Kabhi Sang Dil Mahboob Ki Judai Ne Mara,
Bari Muddat Tak Kabhi Tanha Rahe Hai Hum,
Kabhi Humko Ghamgeen Tanhai Ne Mara,
Mahboob Se Hum Pyar Ka Ikrar Nahi Karte,
Aur Hume Dar Aur Ruswai Ne Mara,
Ye Tha Mera Mazi Aur Ab Mera Haal Ye,
Mujhe Ab Mahboob Ki Bewafai Ne Mara…!!!
<<–<<–<<♥>>–>>–>>
Kya Hai Wafa Kya Bewafayi Maloon Nahi
Wo Apni Thi Ya Paraayi Maloom Nahi,
Maiyet Pe Hazir The Jabke Dost-O-Dushman
Ek Wo Kiyun Nahi Aayi Maloom Nahi,
Puchha Jo Logo Ne Mere Marne Ka Sabab
Nazar Usne Kiyun Jhukaayi Maloom Nahi,
Mohabbat Nahi Thi To Baad Tere Jane K Asgher
Wo Is Kadar Kiyun Royi Maloom Nahi
<<–<<–<<♥>>–>>–>>
Sikha Di Bewafayi Bhi Tumhen Zaalim Zamanay Ne ….
K Tum Jo Seekh Letay Ho , Hum Hi Pe Aazmatey Ho ….
<<–<<–<<♥>>–>>–>>
Bichar Kar Tujh Se Zinda Hun Meri Taqdeer To Dekh
Kabhi Aa Kar Mere Halaat Ki Tasveer To Dekh
Mujhe Mehfil Main Dekha To Kaha Us Ne Raqeebon Se
Mera Aashiq, Mera Pagal, Mera Dilgeer To Dekh
Teri Tasveer K Peechy Hain Jaalay Be-Wafai K
Ulat Kar Tu Zara Apni Kabhi Tasveer To Dekho
De Kar Pyar Ki Daulat Khareedy Khoon K Aansoo
Mili Jo Ishq Main Hum Ko Zara Jageer To Dekho
Likha Hai Naam Mera Sharaarat Hai Raqeebon Ki
Ye Khatt Mera Nahi Jaana Zara Tehreer To Dekh…
<<–<<–<<♥>>–>>–>>
Wo Jin Ki Aankhon Se Chamakte The Wafa K Moti
Yaqeen Mano Qasam Le Lo Wo Aankhein Bewafa Nikli…
<<–<<–<<♥>>–>>–>>
Wo Muhabbat Bhi Teri Thi
Wo Shararat Bhi Teri Thi,
Agar Kuch Bewafai Thi
To Wo Bewafai Bhi Teri Thi,
Hum Chhod Gaye Tera Shehar
To Wo Hidayat Bhi Teri Thi,
Akhir Karte To Kis Say Karte
Tumari Shikayat,
Wo Shehar Bhi Tera Tha Aur
Wo Adalat Bhi Teri Thi …
<<–<<–<<♥>>–>>–>>
Kaisi Ajeeb Ye Tujhse Judai Thi,
Ki Tujhe Alvida Bhi Na Keh Saka,
Teri Saadgi Mai Itna Fareb Tha,
Ki Tujhe Bewafa Bhi Na Keh Sake.
<<–<<–<<♥>>–>>–>>
Hum Kitne Bewafa Hain,
Ek Dum Unke Dil Se Nikal Gaye….
Unme Kitni Wafa Thi,
Aaj Tak Hamare Dil Se Nahi Nikle…
<<–<<–<<♥>>–>>–>>
Zaruri Nhi Ki Pyar Ki Manzil Mil Jaye
Jise Hum Chahte H Wo Hume Mil Jaye
Na Mile To Na Kaho Use Bewafa Dua
Karo Koi Humse Bhi Pyara Use Mil Jaye
<<–<<–<<♥>>–>>–>>
Roz Dhalti Hui Shaam Se Dar Lagta Hai;
Ab Mujhe Ishq Ke Anjaam Se Dar Lagta Hai;
Jab Se Mili Hai Bewafai Mujhe Ishq Mein;
Tab Se Ishq Ke Naam Se Bhi Dar Lagta Hai!
<<–<<–<<♥>>–>>–>>
Barbaad Kar Gaye Wo Zindagi Pyaar Ke Naam Se;
Bewafai Hi Mili Sirf Wafa Ke Naam Se;
Zakham Hi Zakham Diye Us Ne Dawa Ke Naam Se;
Aasman Bhi Ro Pada Meri Mohabbat Ke Anjam Se!
<<–<<–<<♥>>–>>–>>
Mat Puch Sabar Kee Inteha Kahan Tak Hai;
Tu Sitam Kar Le Teri Taqat Jahan Tak Hai;
Wafa Kee Umeed Kisi Aur Ko Hogi;
Humein To Dekhna Hai Tu Bewafa Kahan Tak Hai!
<<–<<–<<♥>>–>>–>>
Kaam Aa Saki Naa Apni Wafayein To Kya Karein;
Us Bewafa Ko Bhool Naa Jayein To Kya Karein!
<<–<<–<<♥>>–>>–>>
Aaj Achanak Teri Yaad Ne Mujhe Rula Diya;
Kya Karu Tum Ne Jo Mujhe Bhula Diya;
Na Karte Wafa To Na Milti Ye Saza;
Shayad Meri Wafaon Ne Hi Tujhe Bewafa Bana Diya!
<<–<<–<<♥>>–>>–>>
Dard Hi Sahi Mere Ishq Ka Inaam To Aaya,
Khali Hi Sahi Hathon Me Jaam To Aaya,
Main Hoon Bewafa Sabko Bataya Usne,
Yun Hi Sahi Uske Labon Pe Mera Naam To Aaya!
<<–<<–<<♥>>–>>–>>
Aapki Yaad Na Aaye, To Hum Bewafa,
Aap Bulao Aur Na Aaye, To Hum Bewafa,
Hume Marne Ke Liye Zeher Ki Zarurat Nahi,
Ek Bar Nazar Fer Lo, Na Mar Jaye To Hum Bewafa!
<<–<<–<<♥>>–>>–>>
Kis Qadar Masoom, Kitni Shokh, Lekin Bewafa!
Hum Ne Poocha Kon, Wo Ghabra Ke Boly Zindagi…
Hum Ne Poocha Kon, Wo Ghabra Ke Boly Zindagi…
<<–<<–<<♥>>–>>–>>
Phir Kab Milenge Yeh Unhone Pucha Nahi,
Kyu Ho Rahe Hain Juda Yeh Humne Bataya Nahi,
Kab Unke Aansuo Ne Humko Bewafa Kaha,
Pata Hi Nahi Bus Woh Waqt Hi Kuch Aisa Tha,
Jisko Humne Pehchana Nahi.
<<–<<–<<♥>>–>>–>>
Tamannaon Ke Bahalave Mein Aksar Aa Hi Jate Hain
Kabhi Hum Chot Khate Hain Kabhi Hum Muskurate Hain
Hum Aksar Doston Ke Bevafai Sah To Lete Hain
Magar Hum Janate Hain Dil Hamare Toot Jate Hain
Kisi Ke Sath Jab Bite Hue Lamhon Ke Yaad Aayi
Thaki Aankhon Mein Ashkon Ke Sitare Jhil-Milate Hain
<<–<<–<<♥>>–>>–>>
Hamain Na Muhabbat Mili Na Pyar Mila
Hum Ko Jo Bhi Mila Bewafa Yaar Mila
Apni To Ban Gai Tamasha Zindagi.
Har Koi Apny Maqsad Ka Talabgar Mila.
<<–<<–<<♥>>–>>–>>
Sab Kuch Mila Bus Khudai K Siwa
Zindgi Bahut Pasand Aayi Ruswai K Siwa
Meri Chahat Ka Ehsaas B N Hoga
Uski Hr Adaa Pasand Ayi Bewafai K Siwa
<<–<<–<<♥>>–>>–>>
Uski Bewafai Pe Bhi Fida Hoti Hai Jaan Apni…..
Khuda Jane Agar Us Mein Wafa Hoti To Kya Hota..
<<–<<–<<♥>>–>>–>>
Humne Apni Sanso Par Unka Naam Likh Liya,
Nahi Jante The Ki Humne Kuch Galat Kiya,
Wo Pyaar Ka Wada Humse Karke Mukar Gaye,
Khair Unki Bewafai Se Kuch To Sabak Liya.
<<–<<–<<♥>>–>>–>>
Wafa K Badle Bewfai N Diya Kro
Meri Ummid Thukra K Inkaar N Kiya Kro
Teri Mohabbat Me Hm Sab Kuch Kho Bethe
Jaan Chali Jyegi Imtihan N Liya Kro
<<–<<–<<♥>>–>>–>>
Sabke Hote Hue Bhi Tanhai Milti Hai…
Yaadon Me Bhi Gum Ki Parchain Milti Hai….
Jitni Bhi Duaa Karte Hai Hum Kisi Ko Paane Ki
Utni Hi Unse Bewafai Milti Hai…..
<<–<<–<<♥>>–>>–>>
Khuda Ne Kaash Muhabbat Banaayi Na Hoti
Toh Aaj Iss Tarah Hamare Pyaar Ki Ruswaayi Na Hoti
Kaash Unke Dil Mein Zara Si Wafa Hoti
Toh Iss Tarah Mere Saath Bewafayi Na Hoti….
<<–<<–<<♥>>–>>–>>
Woh Bewafaa Na Tha Yun Hi Badnam Ho Gaya ‘Faraz’
Hazaron Chahnay Walay Thay Kis Kis Say Wafa Karta.
<<–<<–<<♥>>–>>–>>
Juda Hony K Mosam Me Juda Hona Zarori Tha
Najany Q Kisi Ka Bewfa Hona Zaruri Tha
Mere Dil Ne Jo Is Ko Poojany Ki Intha Kr Di
To Phir Us Bewafa Ka Bhi Khuda Hna Zaruri Tha
<<–<<–<<♥>>–>>–>>
Us K Chehry Per Is Qadar Noor Tha
K Us Ki Yaad Mein Rona Bhi Manzoor Tha
Bewafa B Nahi Keh Sakty Us Ko Faraz
Pyar To Ham Ne Kia Hai Woh To Bekasoor Tha.
<<–<<–<<♥>>–>>–>>
Hamain Na Muhabbat Mili Na Pyar Mila
Hum Ko Jo Bhi Mila Bewafa Yaar Mila
Apni To Ban Gai Tamasha Zindagi.
Har Koi Apny Maqsad Ka Talabgar Mila.
<<–<<–<<♥>>–>>–>>
Tere Chokhat Say Sar Uthaon Tu Bewafa Kehna
Tere Siwa Kisi Or Ko Chahon Tu Bewafa Kehna
Meri Wafaon Pe Shak Hai To Khanjar Utha Lena
Shoq Say Mar Na Jaon Tu Bewafa Kehna!!
<<–<<–<<♥>>–>>–>>
Sab Kuch Hai Mere Pas Per Dil Ki Dawa Nahi
Door Wo Mujhse Hai Per Main Khafa Nahi.
Maloom Hai Ab Bhi Pyar Karta Hai Mujhe.
Wo Thora Ziddi Hai Magar Bewafa Nahi
<<–<<–<<♥>>–>>–>>
Riwaayeton Ko Nibhane Ka Tha Saleeqa Us Ko,
Woh Bewafaayi Bhi Karta Raha Wafaa Ke Sath.
<<–<<–<<♥>>–>>–>>
Sitam Mere Dil Pe Wo Yun Dhata Raha,
Raat Bhar Bewafa Yaad Aata Raha,
Na Hua Ehsas Usay Kisi Ki Tarap Ka!
Yahan Main Sehra Mein Tanha Hi Chillata Raha,
Chahta Tha Jise Mein Khud Se Bhi Zaida,
Wo Mujhe Dard De De Kar Azmata Raha!
Likhta Raha Jise Apne Jigar Kya Khoon Se Khatt,
Pata Chala Wo To Bina Parhy He Jalata Raha!
Wasi Jab Us Kya Lout Aany Ki Koi Umeed Nahe Baqi…
Tu Kyun Raat Bhar Khud Ko Behlata Raha!
<<–<<–<<♥>>–>>–>>
Thukra Kar Mohabbat Meri Kahan Janay Ka Iraada Hai?
Mujhey Zindagi Kya Kis Morr Pey Lenay Ka Iraada Hai?
Yeh Jo Ab Khafa Khafa Say Rehney Lagey Ho…
Yeh Pyaar Ka Urooj Hai Ya Chhor Janey Ka Iraada Hai.
Jatey Jatey Yeh To Bata Jan Aey Jaan E Jahan,
Merey Pyaar Mai Kami Thi Ya Kisi Or Sey Dil Lagi Ka Iraada Hai.
Merey Bad Meri Yaad Aeey To Murr Kia Na Dekhna Aey Be Wafa
Kyun Kia Tery Baad Mere Dost Is Duniya Ko Choor Jany Ka Iraada Hai.
<<–<<–<<♥>>–>>–>>
Pal Pal Uska Saath Nibhaate Hum
Aik Ishare Peh Duniya Chhor Jate Hum
Samundar K Beech Me Pohanch Kr Fareb Kiya Usne
Woh Kehta To Kinare Peh Hi Doob Jate Hum…
<<–<<–<<♥>>–>>–>>
Khusi Ki Raah Me Gam Mile To Kya Kare,
Wafa Ki Raah Me Bewafa Mile To Kya Kare,
Kaise Bachaye Zindgi Ko Dagawajo Se,
Koi Dil Laga Ke De Jaye Daga To Kya Kare…?
<<–<<–<<♥>>–>>–>>
Teri Dosti Ne Diya Sakun Itna,
Ki Tere Baad Koi Bhi Accha Na Lage,
Tujhe Karni Ho Bewafai To Is Ada Se Karna,
Ki Tere Baad Koi Bhi Bewafa Na Lage…..
<<–<<–<<♥>>–>>–>>
Sirf Ek Hi Baat Seekhi,
In Husn Waloon Se Hum Ne,
Haseen Jis Ki Jitni Ada Hai,
Woh Utna Hi Bewafa Hai..
<<–<<–<<♥>>–>>–>>
Jo Na Mil Sake Wohi Bewafa, Ye Badi Ajeeb Si Baat Hain
Jo Chala Gaya Mujhe Chodkar, Wohi Aaj Tak Mere Saath Hain
Mera Naam Tak Jo Na Le Saka, Jo Mujhe Qaraar Na De Saka
Wohi Shakhsh Meri Talaash Hain, Wohi Dard Meri Hayaat Hain
<<–<<–<<♥>>–>>–>>
Bewafa Keh Ke Bulaya To Bura Man Gayi,
Hum Ne Aiyna Dikhaya To Bura Man Gayi.
Unki Har Raat Kati Hai Diwali Ki Tarah,
Humne Ek Deep Jalaya To Bura Man Gayi.
<<–<<–<<♥>>–>>–>>
Dekhti Hon Tasveer-E-Yaar Tou Aata Hai Yeh Khayal
Her Baat Lajawab Thi Ager Bewafa Na Hota
................................................................................................................................
